Իսրայելը լայնածավալ հակաահաբեկչական գործողություն է սկսել Արևմտյան ափի Հեբրոն շրջանում
1 րոպեի ընթերցում
Իսրայելական ուժերը հունվարի 19-ի գիշերը Արևմտյան ափի Հեբրոն քաղաքում լայնածավալ հակաահաբեկչական գործողություն են մեկնարկել։
«Արմենպրես»-ի փոխանցմամբ՝ այս մասին նշվում է Իսրայելի պաշտպանության բանակի (ԻՊԲ) և Իսրայելի անվտանգության ծառայության (Շին Բեթ) համատեղ հայտարարության մեջ։
«Հեբրոնի Ջաբալ Ջոհար թաղամասում իրականացվող գործողությունը նպատակ ունի խափանել ահաբեկչական ենթակառուցվածքները, վերացնել անօրինական զենքի տիրապետումը և ամրապնդել տարածքում անվտանգությունը», - նշվել է հայտարարության մեջ։
Գործողությունը կշարունակվի մի քանի օր։
Ընդգծվել է նաև, որ Իսրայելի անվտանգության ուժերը «կշարունակեն աշխատել Արևմտյան ափին ահաբեկչությունը ճնշելու համար»: