1 րոպեի ընթերցում
Հալեպում վերջին օրերին տեղի ունեցած բախումների հետևանքով զոհերի թիվը հասել է 24-ի, վիրավորներինը՝ 129-ի։
Ինչպես հաղորդում է «Արմենպրես»-ը՝ վկայակոչելով Սիրիայի պետական SANA գործակալությունը, այս մասին հայտնել է երկրի առողջապահության վարչության լրատվական գրասենյակի տնօրեն Մունիր ալ-Մուհամմադը։
Սիրիական բանակը հայտարարել է Հալեպի Շեյխ Մակսուդ և Աշրաֆիե թաղամասերում բոլոր ռազմական գործողությունների դադարեցման և բնակիչների անվտանգ վերադարձի ապահովման մասին։ Հայտարարության համաձայն՝ Շեյխ Մակսուդ թաղամասը լիովին մաքրվել է քրդերի գլխավորած Սիրիայի դեմոկրատական ուժերի (ՍԴՈւ) դիրքերում առկա ականներից և պայթուցիկ նյութերից։ Թաղամասում գտնվող զինյալները տեղափոխվել են Սիրիայի հյուսիս-արևելք։
Աֆրինի շրջանի վարչակազմը հայտարարել է Հալեպի Աշրաֆիե թաղամաս բնակիչների առաջին խմբի վերադարձի մասին։
Հալեպի նահանգապետարանի տվյալներով՝ Շեյխ Մակսուդը, Աշրաֆիե, Բանի Զեյդ և շրջակա թաղամասերը լքել էին մոտ 140000 մարդ, որոնց մեծ մասը ուղևորվել էր դեպի Աֆրին քաղաք։