ԱՄՆ զինված ուժերն Ատլանտյան օվկիանոսում կալանել են ռուսական դրոշի ներքո նավարկող լցանավը
1 րոպեի ընթերցում
Միացյալ Նահանգների Եվրոպական հրամանատարությունը հայտարարել է Իսլանդիայի և Ֆարերյան կղզիների շրջանում ռուսական «Մարիներա» անունը կրող լցանավը կալանելու մասին։
«Արմենպրես»-ի հաղորդմամբ՝ այս մասին հրամանատարությունը հայտնել է X-ի միկրոբլոգում կատարած գրառման մեջ։
Եվրոպական հրամանատարությունը նշել է, որ լցանավի կալանումը տեղի է ունեցել ԱՄՆ պատժամիջոցները խախտելու համար։
«Նավը կալանավորվել է Հյուսիսատլանտյան օվկիանոսում՝ համաձայն ԱՄՆ դաշնային դատարանի որոշման»,-նշված է գրառման մեջ։
Այս գործողությունը մեկնաբանել է ԱՄՆ պաշտպանության նախարար Փիթ Հեգսեթը՝ նշելով, որ պատժամիջոցների տակ գտնվող վենեսուելական նավթի կալանքը շարունակում է ուժի մեջ մնալ ամբողջ աշխարհում։