368.52
Զելենսկին ժամանել է Կիպրոս՝ ԵՄ ղեկավարության հետ հանդիպման
1 րոպեի ընթերցում
Ուկրաինայի նախագահ Վոլոդիմիր Զելենսկին ժամանել է Կիպրոս, որտեղ նախատեսված են մի շարք հանդիպումներ ինչպես այդ երկրի, այնպես էլ Եվրամիության ղեկավարության հետ։ «Արմենպրես»-ի փոխանցմամբ՝ այս մասին հաղորդում է «ՌԲԿ-Ուկրաինա» պարբերականը՝ վկայակոչելով նախագահի մամուլի քարտուղար Սերգեյ Նիկիֆորովին։
Խոսնակը նշել է, որ այցի ընթացքում Զելենսկին կհանդիպի Կիպրոսի նախագահ Նիկոս Քրիստոդուլիդեսի և Կիպրոսի արքեպիսկոպոս Գեորգիի հետ։
Նա նաև կմասնակցի ԵՄ խորհրդում Կիպրոսի Հանրապետության նախագահության բացման արարողությանը, կհանդիպի Եվրոպական խորհրդի նախագահ Անտոնիու Կոշտայի և Եվրոպական հանձնաժողովի նախագահ Ուրսուլա ֆոն դեր Լայենի հետ։
Հունվարի 6-ին Զելենսկին Փարիզում մասնակցել էր «Կամեցողների կոալիցիայի» երկրների ղեկավարների հանդիպմանը, որտեղ քննարկվել էր, այդ թվում, Ուկրաինային անվտանգության երաշխիքների տրամադրումը։
Բաժանորդագրվեք մեր ալիքին Telegram-ում