1 րոպեի ընթերցում
Սիրիայի արտաքին գործերի նախարար Ասաադ աշ-Շայբանին և Սիրիայի պաշտպանության նախարար Մուրհեֆ Աբու Քասրան Մոսկվա են ժամանել բանակցություններ վարելու համար: «Արմենպրես»-ի փոխանցմամբ՝ այս մասին հաղորդում է SANA լրատվական գործակալությունը։
Նշվում է, որ սիրիական պատվիրակության կազմում են նաև Գլխավոր հետախուզական վարչության աշխատակիցներ։
Սիրիայի արտաքին քաղաքական գերատեսչության տվյալներով՝ Դամասկոսն ու Մոսկվան կքննարկեն երկկողմ հարաբերությունները և փոխադարձ հետաքրքրություն ներկայացնող մի շարք հարցեր։