1 րոպեի ընթերցում
Ախուրյանի համայնքապետարանում կայացել է 2026 թվականի բյուջեի նախագծի քննարկումը։ Ինչպես հայտնում է «Արմենպրես»-ը, քննարկման ընթացքում ներկայացվել են համայնքի եկող տարվա նախնական եկամուտները, որոնք նախատեսվում են 3 միլիարդ 979 միլիոն 946 հազար դրամ, ինչը 994 միլիոն 621 հազար դրամով ավելի է, քան 2025 թվականի 2 միլիարդ 985 միլիոն 325 հազար դրամը։
Ինչպես «Արմենպրես»-ին տեղեկացրեց համայնքի ղեկավարի մամուլի քարտուղար Աննման Մինասյանը, ավելացումը հիմնականում պայմանավորված է Հայաստանի Հանրապետության կառավարության կողմից համահարթեցման սկզբունքով տրամադրվող դոտացիայի աճով։ 2026 թվականին այն նախատեսվում է 2 միլիարդ 664 միլիոն 692 հազար 500 դրամ, մինչդեռ 2025 թվականին կազմել էր 2 միլիարդ 353 միլիոն 297 հազար 600 դրամ։ Բարձրացել են նաև վարչական բյուջեի և սեփական եկամուտների ցուցանիշները, ինչպես նաև մի շարք այլ բաղադրիչներ։
Քննարկվել են 2026 թվականի բյուջեի նախնական ծախսերը, ներկայացվել են առաջարկներ, որոնք ուսումնասիրվում են և նպատակահարմարության դեպքում կներառվեն վերջնական նախագծում։
Արմենուհի Մխոյան