368.54
ՀՀ ԱՍՀ նախարարն այցելել է Իտալիայի «Cometa» անկախ կյանքի կենտրոն և «Agora 97» սոցիալական կոոպերատիվ
2 րոպեի ընթերցում
Իտալիա կատարած այցի շրջանակում Հայաստանի աշխատանքի և սոցիալական հարցերի նախարար Արսեն Թորոսյանն Իտալիայի հաշմանդամություն ունեցող անձանց հարցերի նախարար Ալեսսանդրա Լոկատելլիի ուղեկցությամբ այցելել է հաշմանդամություն ունեցող, կյանքի դժվարին իրավիճակներում հայտնված անձանց, հատկապես երեխաների համար նախատեսված «Cometa» անկախ կյանքի կենտրոն և «Agora 97» սոցիալական կոոպերատիվ, որի ենթակայության տակ գործում են համայնքային փոքր տներ, որոնք իրենց հերթին ծառայություններ են մատուցում հաշմանդամություն ունեցող անձանց և կյանքի դժվարին իրավիճակներում գտնվողներին։
Ինչպես «Արմենպրես»–ը տեղեկանում է ՀՀ ԱՍՀ նախարարության տարածած հաղորդագրությունից, նախարարները շրջել են կենտրոններում, ծանոթացել պայմաններին, մատուցվող ծառայություններին, շփվել բնակիչների հետ։
Շրջայցի ընթացքում խոսել են հաշմանդամություն ունեցող անձանց համար մատչելի միջավայրի ապահովման, ըստ կարիքի՝ ամբողջական և մասնագիտացված ծառայությունների տրամադրման անհրաժեշտության մասին։
Արսեն Թորոսյանը գործընկերոջը ներկայացրել է Հայաստանում հաշմանդամություն ունեցող անձանց համար պետական առաջին անկախ կյանքի կենտրոնի կառուցման մանրամասները․ այն հնարավորություն է տալու հաշմանդամություն ունեցող անձանց օգտվել անհրաժեշտ ծառայություններից, այդ թվում՝ սոցիալ-վերականգնողական, զարգացման թերապիա, ինչպես նաև ձեռք բերել և զարգացնել անկախ կյանքի հմտություններ՝ հասարակության մեջ լիարժեք ներառվելու և ինքնադրսևորվելու նպատակով։
Բաժանորդագրվեք մեր ալիքին Telegram-ում