1 րոպեի ընթերցում
default
Շիրակի մարզի Ախուրյան համայնքի միջոցներով Ոսկեհասկ բնակավայրում շարունակվում են ասֆալտապատման աշխատանքները։ 360 քմ տարածքով ասֆալտապատման աշխատանքներ են կատարվում բնակավայրի նորակառույց մարզական համալիրի տարածքում: Համալիրը ևս հիմնանորոգվում է:
«Շուրջ 600 քմ տարածքով համալիրը հիմնանորոգվում է ինչպես արտերկրում, այնպես էլ գյուղում ապրող ոսկեհասկցիների միջոցներով և համայնքապետարանի աջակցությամբ»,-«Արմենպրես»-ին տեղեկացրին համայնքապետարանից:
Ոսկեհասկում իրականացված ասֆալտապատման համար համայնքը ներդրել է շուրջ 20 միլիոն դրամ: Համայնքի միջոցներով ասֆալտապատվել է նաև Ոսկեհասկի դպրոցի բակը՝ 180 քմ տարածքով: Փոսալցման և նորոգման աշխատանքներ են իրականացվում նաև գլխավոր ճանապարհի 1200 գծամետր երկարությամբ հատվածում: