Մեքքայից Մեդինա ուխտավորների տեղափոխող ավտոբուսի վթարի հետևանքով ավելի քան 40 մարդ է մահացել
1 րոպեի ընթերցում
Սաուդյան Արաբիայում նոյեմբերի 17-ի առավոտյան տեղի ունեցած խոշոր ճանապարհատրանսպորտային պատահարի հետևանքով առնվազն 42 հնդիկ ուխտավոր է զոհվել։ Ինչպես հաղորդում է «Արմենպրես»-ը, այս մասին հաղորդում է India Today հեռուստաալիքը։
Նշվում է, որ մուսուլմանական ուխտագնացության եկած ուխտավորներին Մեքքայից Մեդինա տեղափոխող ավտոբուսը բախվել է դիզելային բեռնատարի։ Նախնական տեղեկությունների համաձայն՝ հարվածն այնքան ուժեղ է եղել, որ շատ ուղևորներ տեղում մահացել են, իսկ մի քանիսը՝ ծանր վիրավորվել։ Արտակարգ իրավիճակների ծառայությունները արագ ժամանել են դեպքի վայր՝ իրականացնելով փրկարարական գործողություններ և բժշկական օգնություն ցուցաբերելով տուժածներին։
Հնդկաստանի արտաքին գործերի նախարար Սուբրամանյամ Ջայշանկարը ցավակցություն է հայտնել զոհերի ընտանիքներին։ Նա նշել է, որ Ռիադում գտնվող հնդիկ դիվանագետները և Ջիդդայում գտնվող գլխավոր հյուպատոսությունը ցուցաբերում են ողջ հնարավոր աջակցությունը վիրավոր քաղաքացիներին և վթարի զոհերի հարազատներին։