Երևանի քաղաքապետարանն իրավախախտումներ է հայտնաբերել առևտրի և ծառայության, կոմունալ տնտեսության ոլորտներում

Երևանի քաղաքապետարանի աշխատակազմի հասարակական կարգի պահպանության ծառայությունը հերթական շրջայցի ընթացքում Մալաթիա-Սեբաստիա և Աջափնյակ վարչական շրջաններում հայտնաբերել է մի շարք իրավախախտումներ՝ առևտրի և ծառայության, ինչպես նաև՝ կոմունալ տնտեսության ոլորտներում։ 

«Իրավախախտման նշված փաստերի կապակցությամբ ՎԻՎ օրենսգրքի համապատասխան հոդվածներով կազմվել են համապատասխան արձանագրություններ՝ զանցանք թույլ տված անձանց վարչական պատասխանատվության ենթարկելու նպատակով»,- «Արմենպրես»-ի փոխանցմամբ՝ նշված է Երևանի քաղաքապետարանի տարածած հաղորդագրության մեջ: