2 րոպեի ընթերցում
Վենեսուելայում ընդունվել է համալիր պաշտպանության և զինված պայքարի անցման պլան ԱՄՆ կողմից ագրեսիայի դեպքում: Ինչպես «Արմենպրես»-ը տեղեկանում է ՏԱՍՍ գործակալությունից, այս մասին հայտարարել է երկրի նախագահ Նիկոլաս Մադուրոն կառավարող Վենեսուելայի միասնական սոցիալիստական կուսակցության և կուսակցության երիտասարդական թևի արտահերթ համագումարում:
«Հայրենիքի համալիր պաշտպանության ռազմավարական հայեցակարգի շրջանակներում…. ընդունվել է պլան ոչ զինված պայքարից ազգային և մայրցամաքային մասշտաբով զինված պայքարի անցման համար, եթե Վենեսուելան հարձակման ենթարկվի ԱՄՆ կայսրության կողմից», - հայտարարել է Մադուրոն, որի ելույթը հեռարձակվել է Venezolana de Television հեռուստաալիքով:
Նա հայտնել է, որ պլանը նախատեսում է «անցում զինված պայքարի՝ տարածքային ամբողջականության, արժանապատվության, խաղաղության իրավունքի և Վենեսուելայի ապագայի պաշտպանության համար»:
Նախագահը հավելել է, որ Վենեսուելայից «ոչ ոք չի խլի անկախության և կյանքի իրավունքը»։ Պետության ղեկավարն ընդգծել է, որ «ամբողջ աշխարհը Վենեսուելային նայում է որպես խաղաղության, իր արժանապատվության, արժեքների և սկզբունքների պահպանման համար հաջող պայքարի օրինակ»։
Մադուրոն հայտարարել է, որ Վենեսուելայի միասնական սոցիալիստական կուսակցությունը կկատարի համագումարում ընդունված որոշումները, և երկիրը կմտնի «խաղաղության, բարեկեցության և երջանկության նոր դարաշրջան»:
Ավելի վաղ ԱՄՆ փոխնախագահ Փիթ Հեգսեթը հայտնել էր Խաղաղ օվկիանոսում թմրանյութեր տեղափոխող ևս մեկ նավակի ոչնչացման մասին, որի հետևանքով սպանվել է 2 մարդ։