Գազայում զոհերի թիվը գերազանցել է 90-ը. Իսրայելը վերսկսել է հրադադարի ռեժիմի կիրառումը

2 րոպեի ընթերցում

Գազայի հատվածի բժշկական աղբյուրները հայտնել են, որ հոկտեմբերի 29-ի առավոտյան անկլավում իսրայելական հարվածների զոհերի թիվը հասել է 91-ի։ «Արմենպրես»-ի փոխանցմամբ՝ այս մասին հաղորդում է պաղեստինյան WAFA գործակալությունը։

Նշվում է, որ զոհերի թիվը, հավանաբար, կաճի, քանի որ կան բազմաթիվ ծանր վիրավորներ, իսկ ավերված տների փլատակներում անհետ կորածների որոնումները դեռ շարունակվում են։

Իսրայելական ռազմական ինքնաթիռներն ավիահարվածներ են հասցրել Գազայի հյուսիսային և կենտրոնական հատվածներում մի քանի քաղաքների։ Ավելի վաղ հաղորդվել էր 63 զոհի մասին։

Իսրայելի պաշտպանության բանակը (ԻՊԲ) հայտնել է, որ քաղաքական վերնախավի հրահանգով «ահաբեկչական թիրախներին և ահաբեկիչներին տասնյակ հարվածներ հասցնելուց հետո» ԻՊԲ-ն վերսկսել է հրադադարի ռեժիմի կիրառումը։

Հարվածների շրջանակում, ըստ հաղորդագրության, Իսրայելի պաշտպանության բանակը և Իսրայելի անվտանգության գործակալությունը հարվածել են «ավելի քան 30 ահաբեկիչների, որոնք հրամանատարական դիրքեր էին զբաղեցնում Գազայի հատվածում գործող ահաբեկչական կազմակերպություններում»։

«ԻՊԲ-ն կշարունակի պահպանել հրադադարի համաձայնությունը և խիստ կարձագանքի դրա ցանկացած խախտման», - նշված է հաղորդագրության մեջ։

Իսրայելը հարվածներ էր հասցրել այն բանից հետո, երբ Գազայի հատվածի Ռաֆահ քաղաքում փոխհրաձգության հետևանքով զոհվել էր իսրայելցի զինվոր։ ՀԱՄԱՍ-ը հայտարարել էր, որ որևէ առնչություն չունի հարձակմանը, և Իսրայելին մեղադրել էր հրադադարը խախտելու համար՝ նշելով, որ կհետաձգի պատանդներից մեկի աճյունի վերադարձը։ 

Մերձավոր Արևելք

Գազայի հատվածում 63 զոհ է գրանցվել. Թրամփը պնդել է, որ ոչինչ չի վտանգի հրադադարը

Հայերեն Русский

ԿԳՄՍ նախարարը քննարկում է անցկացրել գիտական արդյունքի առևտրայնացման վերաբերյալ

ՀՀ-ում կիրականացվի Ֆիզիկական արհեստական բանականության 7-ամյա ծրագիր

Ուիթքոֆն ու Քուշները նոյեմբերի 19-ին Բեռլինում կքննարկեն Ուկրաինայի անվտանգության երաշխիքները. Axios

ԱԺ-ն օրակարգ չի ընդգրկել ժողովրդավարության վիճակի վերաբերյալ ընդդիմության հայտարարության նախագիծը

Ռուսաստանը ենթարկվել է 1441 ԱԹՍ-ի զանգվածային հարձակման, 800-ը՝ Մոսկվայի ուղղությամբ

Արարատ Միրզոյանը Բրյուսելում հանդիպել է Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցչի հետ

Գյումրիի բժշկական կենտրոնի տնօրենի պաշտոնակատար է նշանակվել Դավիթ Գևորգյանը

Ֆոն դեր Լայենը բարձր է գնահատել Քիշնևի առաջընթացը ԵՄ-ին անդամակցելու ճանապարհին՝ չնայած գործադրվող ճնշումներին. Moldpres

Երիտասարդ ամուսինները լեռներում հյուրատուն են հիմնել

Թափառող շների հարձակումների կանխարգելումը պահանջում է հրատապ և համակարգային լուծում՝ կենդանիների նկատմամբ մարդասիրական վերաբերմունքի հաշվառմամբ․ ՄԻՊ