ԵՄ-ն ընդունեց Ռուսաստանի դեմ պատժամիջոցների 19-րդ փաթեթը

ԵՄ-ի դիվանագիտության ղեկավար Կայա Կալասը հոկտեմբերի 23-ին հայտարարեց, որ ընդունվել է հակառուսական պատժամիջոցների 19-րդ փաթեթը։ 

«Մենք հենց նոր ընդունեցինք պատժամիջոցների 19-րդ փաթեթը։ Դրանք ուղղված են ռուսական բանկերի, կրիպտոբորսաների, Հնդկաստանում և Չինաստանում գործող կառույցների դեմ», - «Արմենպրես»-ի փոխանցմամբ, գրել է նա X սոցիալական ցանցում։

We just adopted our 19th sanctions package.

It targets Russian banks, crypto exchanges, entities in India and China, among others.

The EU is curbing Russian diplomats’ movements to counter the attempts of destabilisation.

It is increasingly harder for Putin to fund this war.

— Kaja Kallas (@kajakallas) October 23, 2025

Կալասը հավելել է, որ նոր պատժամիջոցներով կրճատվում է Ռուսաստանի դիվանագետների՝ Եվրամիության տարածքում տեղաշարժվելու հնարավորությունը։

Bloomberg գործակալության տվյալներով՝ պատժամիջոցների 19-րդ փաթեթն «արգելք է սահմանում օգտագործված ռուսական ինքնաթիռների և նավերի վերաապահովագրման վրա, լիովին արգելափակում է հինգ ռուսական բանկերի համար գործառնությունները, ինչպես նաև երկարաձգում Ռուսաստանի ազգային վճարային համակարգերի և Բելառուսում ու Ղազախստանում երրորդ երկրների բանկերի հետ տրանզակցիաների արգելքը»։ 

Գործակալության տեղեկատվության համաձայն, սահմանափակող միջոցառումները կվերաբերեն նաև «45 ձեռնարկությունների, որոնք օգնում են ՌԴ-ին շրջանցել պատժամիջոցները»։ Դրանց շարքում են Չինաստանի 12 ընկերություններ։

Եվրահանձնաժողովի ղեկավար Ուրսուլա ֆոն դեր Լայենը հոկտեմբերի 23-ին հայտարարել է, որ ՌԴ-ի դեմ պատժամիջոցների 19-րդ հաստատված փաթեթն առաջին անգամ միջոցներ է նախատեսում ռուսական գազի հատվածի դեմ։

«Առաջին անգամ մենք գործում ենք ռուսական գազի հատվածի՝  Ռուսաստանի ռազմական տնտեսության սրտի դեմ», - գրել է նա X սոցիալական ցանցում։

EU Member States have approved our 19th package of sanctions against Russia.

We’re keeping the pressure high on the aggressor.

For the first time we are hitting Russia’s gas sector - the heart of its war economy.

We will not relent until the people of Ukraine have a just and… https://t.co/HQTknzy2uC

— Ursula von der Leyen (@vonderleyen) October 23, 2025

Ուրսուլա ֆոն դեր Լայենը վստահեցրել է, որ ԵՄ-ն կշարունակի աջակցություն ցուցաբերել Ուկրաինային՝ ընդհուպ մինչև երկարատև խաղաղության հաստատում։