1 րոպեի ընթերցում
Գեղարքունիքի մարզի Մարտունի համայնքի Աստղաձոր գյուղում ՀՀ կառավարության կողմից 2025 թվականին իրականացվող սուբվենցիոն ծրագրերի շրջանակներում հիմնանորոգվել է Աստղաձորի գերեզմանոցի մուտքի ճանապարհահատվածը։
Ինչպես «Արմենպրես»-ին տեղեկացրեց Աստղաձորի վարչական ղեկավար Արթուր Ալեքսանյանը, Աստղաձորի գերեզմանոցի մուտքի ճանապարհահատվածի հիմնանորոգման ծրագրի պայմանագրային արժեքը կազմում է 17 միլիոն 779 հազար դրամ, որի 50 տոկոսը հատկացնում է ՀՀ կառավարությունը, 50 տոկոսը՝ Մարտունու համայնքապետարանը։
Ծրագրով նախատեսվում է 53 մետր երկարության ու 1,5 մետր բարձրության հենապատի կառուցում և շուրջ 1500 քմ մակերես զբաղեցնող ճանապարհահատվածի ասֆալտապատում։
Շինարարական աշխատանքները, որոնք իրականացրել է «ՎՄՎ ՔԱՄՓՆԻ» ՍՊԸ-ն, մեկնարկել են օգոստոս ամսից և արդեն գտնվում են ավարտական փուլում։
Ծրագրի իրականացման արդյունքում բարեկարգվել է Աստղաձորի գերեզմանոցի մուտքը։