1 րոպեի ընթերցում
ԱՄՆ նախագահ Դոնալդ Թրամփն այն կարծիքին է, որ Թուրքիայի նախագահ Ռեջեփ Թայիփ Էրդողանը կարող է նպաստել ռուս-ուկրաինական հակամարտության կարգավորմանը։ «Արմենպրես»-ի փոխանցմամբ՝ այս մասին նա ասել է Եգիպտոսից ԱՄՆ վերադառնալիս նախագահական ինքնաթիռում լրագրողների հետ զրույցում:
«Էրդողանը կարող է։ Ռուսաստանը հարգում է նրան։ Ուկրաինայի մասին չեմ կարող ասել, բայց (ՌԴ նախագահ) Պուտինը հարգում է նրան։ Նա (Էրդողանը) իմ ընկերն է», - լրագրողների հետ ԱՄՆ նախագահի զրույցի տեսանյութն է տարածել Սպիտակ տունը։
Ամերիկացի առաջնորդը նաև հայտնել է, որ պլանավորում է Ուկրաինայի նախագահ Վոլոդիմիր Զելենսկուն Սպիտակ տանն ընդունել ուրբաթ օրը՝ հոկտեմբերի 17-ին։