1 րոպեի ընթերցում
Իրանական միջուկային օբյեկտներին ամերիկյան հարվածներից հետո Միացյալ Նահանգները և Իրանը քննարկում են հնարավոր գործարքի հարցը: Ինչպես հաղորդում է «Արմենպրես»-ը, այս մասին հայտնել է ԱՄՆ նախագահ Դոնալդ Թրամփը Fox News հեռուստաալիքին տված հարցազրույցում:
«Կատարելով դա (հարվածներն Իրանի միջուկային օբյեկտներին – խմբ.) մենք այժմ գտնվում ենք այն փուլում, երբ Իրանը, ես և մի քանի այլ մարդիկ քննարկում ենք գործարքը: Դա շատ ուրիշ Իրան է», - ասել է նա՝ չմանրամասնելով, թե Թեհրանի և Վաշինգտոնի միջև հատկապես ինչ համաձայնության մասին է խոսքը:
2025 թվականին ԱՄՆ-ի հետ միջուկային կարողությունների շուրջ Իրանի բանակցությունների հինգ փուլերն ավարտվել են առանց արդյունքի: