Մինչ օրս որևէ դժգոհության առիթ չեմ տվել․ Սրբուհի Գալյանը՝ իր հավանական հրաժարականի մասին
1 րոպեի ընթերցում
Նախարարի պաշտոնը այնպիսին է, որ միշտ ռիսկ կա այդ պաշտոնը լքելու, քանի որ իր բնույթով դա քաղաքական պաշտոն է։
«Արմենպրես»-ի հաղորդմամբ՝ այս մասին լրագրողների հետ ճեպազրույցում ասաց Արդարադատության նախարար Սրբուհի Գալյանը՝ արձագանքելով մամուլում տարածված տեղեկություններին, թե վարչապետ Նիկոլ Փաշինյանի պահանջով նա պատրաստվում է հրաժարական ներկայացնել։
Լրագրողի հարցին, թե արդյոք վարչապետը դժգոհ է իր աշխատանքից և կա՞ մտավախություն, որ ինքն էլ կլքի պաշտոնը, Գալյանը պատասխանեց․
«Նախարարի պաշտոնը այնպիսին է, որ միշտ ռիսկ կա այդ պաշտոնը լքելու, քանի որ դա իր բնույթով քաղաքական պաշտոն է։ Բայց ես մինչ օրս որևէ դժգոհության առիթ չեմ տվել և չեմ լսել որևէ դժգոհություն իմ հասցեին։ Չեմ կարող մեկնաբանել մամուլում տեղ գտած որևէ նյութ կամ նույնիսկ զառանցանքի նմանվող նյութ, որովհետև դրա հեղինակը ես չեմ։ Կխնդրեմ պարզաբանումներ պահանջել հենց այդ նյութի հեղինակներից»,- ասաց Գալյանը։