Սրբուհի Գալյանն ընդունել է Վրաստանի դատական փորձաքննությունների բյուրոյի ղեկավարին

Արդարադատության նախարար Սրբուհի Գալյանն ընդունել է Վրաստանի «Լևան Սամխարաուլիի անվան ազգային դատական փորձաքննությունների բյուրո»-ի ղեկավար Գիորգի Մուրվանիձեի գլխավորած պատվիրակությանը։

«Արմենպրես»-ի փոխանցմամբ՝ այդ մասին հաղորդագրություն է տարածել ՀՀ արդարադատության նախարարությունը։

Հանդիպման ընթացքում քննարկվել է փորձագիտական մեթոդների մեթոդական ձեռնարկների, մասնագիտական գրականության և գիտական նյութերի փոխանակման հնարավորությունները փորձագիտական հետազոտությունների որակի և արդյունավետության բարձրացման նպատակով։