1 րոպեի ընթերցում
Ճգնաժամային կառավարման ազգային կենտրոնն օգոստոսի 21-ին, ժամը 19։33-ին ահազանգ է ստացել, որ Երևան քաղաքի Էրեբունու փողոցի շենքերից մեկի մուտքում հրդեհ է բռնկվել:
«Արմենպրես»-ի փոխանցմամբ՝ այս մասին հայտնում է Հայաստանի ներքին գործերի նախարարության փրկարար ծառայությունը։
Նշվում է, որ դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ, մեկ ավտոսանդուղք, Հրդեհաշիջման և փրկարարական աշխատանքների կազմակերպման բաժնի հերթապահ, Ճգնաժամային կառավարման ազգային կենտրոնի օպերատիվ և Բժշկական ապահովման հերթապահ խմբերը։
ՓԾ-ի փոխանցմամբ՝ հրդեհը մեկուսացվել է ժամը 20։50-ին։