1 րոպեի ընթերցում
Գեղարքունիքի մարզի Մարտունի համայնքի Գեղհովիտ գյուղում ՀՀ կառավարության կողմից 2025 թվականին իրականավող սուբվենցիոն ծրագրերի շրջանակներում հիմնանորոգվել է 5-րդ փողոցի 11-րդ նրբանցքը։
Ինչպես «Արմենպրես»-ին տեղեկացրին Մարտունու համայնքապետարանի աշխատակազմից, Գեղհովիտի 5-րդ փողոցի 11-րդ նրբանցքի հիմնանորոգման ծրագրի պայմանագրային արժեքը կազմում է 55 միլիոն դրամ, որի 50 տոկոսը հատկացնում է ՀՀ կառավարությունը, 50 տոկոսը՝ Մարտունու համայնքապետարանը։
Ծրագրով նախատեսված է Գեղհովիտի 5-րդ փողոցի 11-րդ նրբանցքի ասֆալտապատում՝ 900 գծամետր երկարությամբ և 4500 քմ մակերեսով։
Օգոստոսի սկզբից մեկնարկած շինաշխատանքներն արդեն գտնվում են ավարտական փուլում։
Ծրագրի իրականացման արդյունքում Գեղհովիտի «Բաղեր» հատվածի գերեզմանոց տանող ճանապարհն արդեն հիմնանորոգված ու բարեկարգ վիճակում է օգտագործվելու գյուղի բոլոր բնակիչների կարիքների համար։
Շինարարական աշխատանքներն իրականացրել է «ՎՄՎ ՔԱՄՓՆԻ» ընկերությունը։