Թրամփը Զելենսկուն և Մակրոնին ցույց է տվել իր գլխարկների հավաքածուն

ԱՄՆ նախագահ Դոնալդ Թրամփը Ուկրաինայի և եվրոպացի առաջնորդների՝ Սպիտակ տուն կատարած այցի ընթացքում Ուկրաինայի նախագահ Վոլոդիմիր Զելենսկուն և Ֆրանսիայի նախագահ Էմանուել Մակրոնին ցույց է տվել իր գլխարկների հավաքածուն: «Արմենպրես»-ի փոխանցմամբ՝ այս մասին հայտնել է ԱՄՆ նախագահի հատուկ օգնական Մարգո Մարտինը։

«Նախագահ Թրամփը նախագահ Զելենսկուն և նախագահ Մակրոնին ցույց է տալիս իր «Եվս չորս տարի» գլխարկը», - գրել է Մարտինն X սոցիալական ցանցի իր էջում։

President @realDonaldTrump showing President Zelenskyy and President Macron his 4 More Years hat 🤣🇺🇸 pic.twitter.com/c7dhAkZMuF

— Margo Martin (@MargoMartin47) August 19, 2025

ԱՄՆ ղեկավարի հատուկ օգնականը հրապարակմանը կցել է համապատասխան լուսանկար։ Սպիտակ, կարմիր և սև գույների 14 գլխարկներից բաղկացած հավաքածուն՝ տարբեր գրություններով, այդ թվում՝ «Թրամփ 2028», «Ամերիկան կրկին հզոր կդարձնենք», «Ամերիկյան ծոց», «ԱՄՆ», «Թրամփն ամեն հարցում ճիշտ էր», զբաղեցնում է երկու դարակ։