Ավագ դասարաններում դասագրքերի բացակայության դեպքում դասերը կկազմակերպվեն հին դասագրքերով՝ համալրված ուսումնաօժանդակ նյութերով
1 րոպեի ընթերցում
Ավագ դասարաններում որոշ առարկաների դասերը կանցկացվեն հին դասագրքերով, իսկ այն առարկաների համար, որոնց չափորոշիչ ծրագիրը չի համապատասխանում հին դասագրքերին, տրամադրվելու են համապատասխան ուսումնական և ուսումնաօժանդակ նյութեր։
«Արմենպրես»-ի հաղորդմամբ՝ այս մասին հայտնեց ԿԳՄՍ նախարարի տեղակալ Արաքսիա Սվաջյանը:
Նախարարի տեղակալն ընդգծեց, որ նախկին չափորոշչով դասագրքերն ու աշխատանքային տետրերը չեն կիրառվելու։ Օգտագործվելու են միայն այն ուսումնական և ուսումնաօժանդակ նյութերը, որոնք երաշխավորված են, այժմ գործածության մեջ են և համապատասխանում են ուսումնական ծրագրերին։
Սվաջյանն, անդրադառնալով նոր չափորոշչին համապատասխան ռուսերենի դասագրքեր չլինելու հարցին, նշեց, որ նոր չափորոշչին համապատասխան ռուսերենի դասագրքեր դեռևս չկան, սակայն դպրոցները ապահովված են անհրաժեշտ նյութերով, որոնք պետք է կիրառվեն նոր չափորոշչին համապատասխան։