1 րոպեի ընթերցում
Հայաստանի տարածքային կառավարման և ենթակառուցվածքների նախարարության պատվիրատվությամբ 2025 թվականի օգոստոսի առաջին օրերից սկսվել և ընթանում են Շողակաթ-Վարդենիս միջպետական նշանակության ճանապարհի 18,9 կիլոմետրանոց հատվածի միջին նորոգման աշխատանքները։
Ինչպես «Արմենպրես»-ին տեղեկացրին Գեղարքունիքի մարզպետի աշխատակազմի քաղաքաշինության, հողաշինության և ենթակառուցվածքների կառավարման վարչությունից, Շողակաթ-Վարդենիս ավտոճանապարհի 18,9 կիլոմետրանոց հատվածի միջին նորոգման ծրագրի պայմանագրային արժեքը կազմում է 889 միլիոն 800 հազար դրամ, որն ամբողջությամբ հատկացվում է պետբյուջեի միջոցներից։
Ծրագրով նախծատեսված է ասֆալտբետոնյա ծածկի վերին շերտի հեռացում և նոր շերտի տեղադրում՝ 142 հազար 800 քառակուսի մետր մակերեսով։
Այս պահին արդեն ֆրեզման միջոցով 8,2 կիլոմետր երկարությամբ հեռացվել է ասֆալտբետոնյա հին շերտը, առաջիկա օրերի ընթացքում կսկվեն ասֆալբետոնյա նոր շերտի տեղադրման աշխատանքները։
Շինարարական աշխատանքները նախատեսված է ավարտել այս տարվա ընթացքում։