Իրանը և եվրոպական եռյակը համաձայնել են վերսկսել միջուկային ծրագրի շուրջ բանակցությունները. ԶԼՄ
1 րոպեի ընթերցում
Իրանը և եվրոպական եռյակը՝ Մեծ Բրիտանիան, Ֆրանսիան և Գերմանիան, համաձայնել են վերսկսել միջուկային ծրագրի շուրջ բանակցությունները:
«Արմենպրես»-ի հաղորդմամբ՝ այս մասին հայտնում է Tasnim-ը՝ վկայակոչելով իր աղբյուրին։
Նշվում է, որ Թեհրանը և եվրոպական եռյակը սկզբունքային համաձայնության են եկել Իրանի միջուկային ծրագրի շուրջ բանակցությունների վերսկսման վերաբերյալ, սակայն բանակցությունների ժամկետն ու վայրը քննարկվում են։
Աղբյուրը նշել է, որ դեռևս վերջնական որոշում չի կայացվել այն մասին, թե որ երկիրն է հյուրընկալելու առաջիկա բանակցությունները։
Ավելի վաղ՝ լրատվամիջոցը տեղեկություններ էր ստացել, որ Իրանը քննարկում է ԵՄ-ի եռյակի խնդրանքը՝ միջուկային հարցի շուրջ բանակցությունների վերսկսման և պատժամիջոցների վերացման վերաբերյալ։
Ստացված տեղեկությունները ենթադրում են, որ բանակցությունների հաջորդ փուլը կանցկացվի Իրանի, Մեծ Բրիտանիայի, Ֆրանսիայի և Գերմանիայի ԱԳ փոխնախարարների մակարդակով։