Թրամփը դադարեցնում է պետական սուբսիդիաներն արեգակնային և հողմային էներգետիկայի բնագավառներում
1 րոպեի ընթերցում
ԱՄՆ նախագահ Դոնալդ Թրամփը ստորագրել է հրամանագիր արեգակնային և հողմային էներգետիկայի բնագավառում պետական սուբսիդիաները դադարեցնելու մասին: «Արմենպրես»-ի փոխանցմամբ, փաստաթուղթը հուլիսի 7-ին տարածել է Սպիտակ տան մամուլի ծառայությունը:
Հրամանագրում նշվում է, որ «ԱՄՆ դաշնային կառավարությունը չափազանց երկար ժամանակ հարկատուներին ստիպել է սուբսիդավորել էներգիայի թանկ և անհուսալի աղբյուրները»: Փաստաթղթում ընդգծվում է, որ արեգակնային և հողմային էներգետիկայի ոլորտում նախագծերի տարածումը «դուրս է մղում էներգիայի մատչելի, հուսալի և կարգավորվող ներքին աղբյուրները», ինչպես նաև «խաթարում է էլեկտրական ցանցի գործունեությունը»:
Օրինագիծը Թրամփն ստորագրել է հուլիսի 4-ին։ Դրան հաջորդող 45 օրվա ընթացքում ԱՄՆ ֆինանսների նախարար Սքոթ Բեսենթը պետք է ձեռնարկի բոլոր անհրաժեշտ միջոցերը՝ արեգակնային և հողմային էներգետիկայի ոլորտում հարկային հատկացումների դադարեցման նպատակով: