ԿԳՄՍ նախարարությունը «Ոչ պետական մամուլի հրատարակում» ծրագրով դրամաշնորհային մրցույթ է հայտարարում
2 րոպեի ընթերցում
Հայաստանի կրթության, գիտության, մշակույթի և սպորտի նախարարությունը հայտարարում է «Ոչ պետական մամուլի հրատարակում» դրամաշնորհային մրցույթ: Ինչպես «Արմենպրես»-ը տեղեկանում է ԿԳՄՍ նախարարության տարածած հաղորդագրությունից, դրամաշնորհ տրվելու է ոչ պետական մամուլի հետևյալ խմբերի նախագծերին.
- Ազգային փոքրամասնությունների տպագիր և էլեկտրոնային պարբերականներ
- Մշակութային տպագիր և էլեկտրոնային պարբերականներ (այդ թվում՝ մանկապատանեկան)
- էլեկտրոնային պարբերականներ (այդ թվում՝ մանկապատանեկան)։
Մրցույթին կարող են մասնակցել նաև այնպիսի իրավաբանական անձինք, որոնք ունեն նոր նախագծեր և հայեցակարգ, բայց չունեն նախընթաց գործունեություն:
Մրցույթին կարող են մասնակցել Հայաստանի Հանրապետությունում գրանցված ազգային փոքրամասնությունների լեզուներով և հայերեն Հայաստանում լույս տեսնող տպագիր և էլեկտրոնային լրատվամիջոցները, եթե.
- Լուսաբանելու են իրենց համայնքի մշակութային և հասարակական կյանքը
- Ներկայացնելու են ազգային փոքրամասնության արվեստագետների և գրողների (հատկապես՝ ժամանակակից) ստեղծագործությունները, մշակութային գործունեությունը
- Կազմելու և նախարարությանն են տրամադրելու տվյալ ազգային փոքրամասնության շրջանում մշակույթի տարածման, հասարակական խնդիրների լուսաբանման հայեցակարգ և ծրագրեր
- Ծրագրելու և իրականացնելու են տվյալ համայնքում և համայնքից դուրս պարբերականի տարածմանը միտված քայլեր:
Հայտերի ներկայացման վերջնաժամկետը 2025 թվականի հուլիսի 31-ն է: