Մակրոնն աջակցությունն է հայտնել Հայաստանին Ադրբեջանի և Թուրքիայի հետ հարաբերությունների կարգավորման հարցում

Ֆրանսիայի նախագահ Էմանուել Մակրոնը դրական է գնահատել ՀՀ վարչապետ Նիկոլ Փաշինյանի հետ հունիսի 29-ին կայացած հեռախոսազրույցը:

«Արմենպրես»-ի հաղորդմամբ՝ X-ի միկրոբլոգում  Էմանուել Մակրոնը նշել է, որ շատ լավ հեռախոսազրույց է ունեցել Հայաստանի վարչապետի հետ:

«Ես արտահայտեցի Ֆրանսիայի համերաշխությունը հայկական ժողովրդավարությունը ապակայունացնելու փորձերի դեմ պայքարում: Ես նաև վերահաստատեցի մեր աջակցությունը նրա խիզախ ջանքերին՝ Ադրբեջանի հետ խաղաղություն հաստատելու և Թուրքիայի հետ հարաբերությունները կարգավորելու համար: Խաղաղությունը և բաց սահմանները կլինեն կարևոր զարգացում ամբողջ տարածաշրջանի համար»,-ասված է Ֆրանսիայի նախագահի գրառման մեջ:

J'ai eu un très bon échange téléphonique avec le Premier ministre arménien @NikolPashinyan.

Je lui ai dit la solidarité de la France face aux tentatives de déstabilisation de la démocratie arménienne.

J'ai aussi réitéré notre soutien à ses efforts courageux pour faire la paix…

— Emmanuel Macron (@EmmanuelMacron) June 29, 2025