2 րոպեի ընթերցում
Ամերիկայի Միացյալ Նահանգների նախագահ Դոնալդ Թրամփը հայտարարել է, որ եկել է խաղաղության ժամանակը։
«Արմենպրես»-ի փոխանցմամբ՝ Թրամփն այդ մասին գրել է Truth Social սոցիալական ցանցում այն բանից հետո, երբ Իրանը հարվածներ էր հասցրել Կատարում ամերիկյան ռազմաբազային։
«Իրանը պաշտոնապես շատ թույլ եղանակով է պատասխանել մեր կողմից նրանց միջուկային օբյեկտների ոչնչացմանը, ինչը մենք սպասում էինք, ու ինչն արդյունավետորեն հետ է մղվել։ Արձակվել է 14 հրթիռ, դրանցից 13-ը ոչնչացվել է, մեկը բաց է թողնվել, որովհետև գնում էր անվտանգ ուղղությամբ։ Ես ուրախ եմ տեղեկացնել, որ ոչ մի ամերիկացի չի տուժել և գրեթե ոչ մի վնաս չի պատճառվել»,- գրել է Թրամփը՝ հույս հայտնելով, որ այլևս ատելություն չի լինի։
Թրամփը շնորհակալություն է հայտնել Իրանին իրենց նախօրոք հարվածների մասին տեղեկացնելու համար, ինչը թույլ է տվել խուսափել զոհերից ու տուժածներից։
«Հնարավոր է, որ Իրանը հիմա կարող է անցնել տարածաշրջանում խաղաղությանն ու ներդաշնակությանը։ Ես նաև էնտուզիազմով Իսրայելին եմ խրախուսում անել նույնը»- հայտարարել է Թրամփը։
Այդ գրառումից րոպեներ անց Թրամփը ևս մեկ գրառում է արել.
«Շնորհավորում եմ, աշխարհ, եկել է խաղաղության ժամանակը»,- գրել է ԱՄՆ նախագահը։