Իրանի ՀՕՊ համակարգերն աշխատում են Սպահանի ուղղությամբ

Իրանի ՀՕՊ համակարգերը խոցում են իսրայելական օդային թիրախներն Իրանի Իսլամական Հանրապետության կենտրոնական մասում գտնվող Սպահան քաղաքի վրա։

Ինչպես հաղորդում է «Արմենպրես»-ը, վկայակոչելով «ՏԱՍՍ»-ը, այս մասին հայտնում է Mehr լրատվական գործակալությունը։

Լրատվականի տեղեկություններով՝ քաղաքի հյուսիսային և արևելյան հատվածներում լսվել է առնվազն չորս պայթյունի ձայն։

Իսրայելի և Իրանի միջև փոխադարձ հարվածները շարունակվում են արդեն հինգերորդ օրը։ Ավելի վաղ Իրանի իշխանությունները հայտնել են իսրայելական հարվածներից 220-ից ավելի զոհի մասին, որոնց մեծ մասը քաղաքացիական անձինք են։ Իսրայելը հայտնել է իրանական պատասխան հարվածներից 24 զոհի մասին։