368.52
Իրանն ԱՄՆ-ին մեղադրել է Իսրայելական հարձակումներին աջակցելու գործում
1 րոպեի ընթերցում
Իրանի արտաքին գործերի նախարար Աբբաս Արաղչին հայտարարել է, որ Իսրայելի հարձակումն Իրանի Իսլամական Հանրապետության դեմ չէր կարող տեղի ունենալ առանց ԱՄՆ-ի համաձայնության և աջակցության:
«Արմենպրես»-ի հաղորդմամբ՝ ինչպես հայտնում է IRNA-ն, Աբբաս Արաղչին պնդել է, որ համոզիչ ապացույցներ կան, որոնք վկայում են Իսրայելի զինված ուժերի հարձակումների ժամանակ տարածաշրջանում ամերիկյան ուժերի և ռազմաբազաների աջակցության մասին։
«Այս բոլոր ապացույցներից ավելի կարևոր են ԱՄՆ նախագահի հայտարարությունները, որը թվիթներով բացահայտ հայտարարել է իր աջակցության մասին: Նա ուղղակիորեն հայտարարեց, որ առանց ամերիկյան սարքավորումների, այդ հարձակումները հնարավոր չէին լինի, ինչպես նաև հայտարարեց, որ օրակարգում են նաև հաջորդ փուլերը», — հավելել Է Արաղչին:
Նրա խոսքով՝ ԱՄՆ-ն համարվում է այդ հարձակումների հանցակիցը և պետք է պատասխանատվություն ստանձնի։
Բաժանորդագրվեք մեր ալիքին Telegram-ում