1 րոպեի ընթերցում
Գեղարքունիքի մարզի Գավառ համայնքի Նորատուս գյուղում ՀՀ կառավարության կողմից 2025 թվականին իրականացվող սուբվենցիոն ծրագրերի շրջանակներում ընթանում են Վարդան Մամիկոնյան փողոցի հիմնանորոգման աշխատանքները։
Ինչպես «Արմենպրես»-ին տեղեկացրին Գավառի համայնքապետարանի աշխատակազմից, Նորատուսի Վարդան Մամիկոնյան փողոցի հիմնանորոգման ծրագրի պայմանագրային արժեքը կազմում է 85 միլիոն 500 հազար դրամ, որի 50 տոկոսը հատկացնում է ՀՀ կառավարությունը, 50 տոկոսը՝ Գավառի համայնքապետարանը։
Ծրագրով նախատեսված է հողային հարթեցում, ավազակոպճային հիմքի և ասֆալտբետոնե շերտի տեղադրում՝ 960 գծամետր երկարությամբ և շուրջ 5760 քմ մակերեսով։
Շինարարական աշխատանքները, որոնք իրականացնում է «Գավառի ՃՇՇ»ԲԲԸ-ն, ավարտական փուլում են։
Հիմնանորոգվող փողոցը Գավառ-Մարտունի մայրուղուց դեպի բնակավայրի կենտրոն տանող հատվածն է, որի գործարկումը կկրճատի ճանապարհը և կթեթևացնի բնակավայրի երթևեկությունը։