1 րոպեի ընթերցում
Գեղարքունիքի մարզի Գավառ համայնքում սկսվել և ընթանում են փողոցների գծանշման աշխատանքները։
Ինչպես «Արմենպրես»-ին տեղեկացրին Գավառի համայնքապետարանի աշխատակազմից, գծանշման աշխատանքներն իրականացվում են ինչպես Գավառ քաղաքում, այնպես էլ համայնքի գյուղական բնակավայրերում՝ Գեղարքունիքում, Լանջաղբյուրում, Սարուխանում, Ծաղկաշենում, Գանձակում, Կարմիրգյուղում, Նորատուսում, Հայրավանքում, Բերդկունքում, Լճափում և Ծովազարդում։
Պատվիրատուն Գավառի համայնքապետարանն է, կապալառուն՝ «Ռեուդ Մարկինգս» ՍՊԸ-ն։ Աշխատանքների համար Գավառ համայնքի 2025 թվականի բյուջեով նախատեսված է հատկացնել 13 միլիոն դրամ։
Այս գումարի շրջանակներում նախատեսված է նաև ճանապարհային նշանների տեղադրում։
Գծանշման և ճանապարհային նշանների տեղադրման աշխատանքները նախատեսված է ավարտել հունիս ամսվա ընթացքում։