ՀՀ ԱԳ նախարարի տեղակալ Աբիսողոմոնյանը հանդիպել է Միջազգային քրեական դատարանի գլխավոր քարտուղար Օսվալդո Ջավալա Գիլերի հետ
1 րոպեի ընթերցում
«Երևանյան երկխոսություն» միջազգային համաժողովի շրջանակներում ՀՀ ԱԳ նախարարի տեղակալ Ռոբերտ Աբիսողոմոնյանը մայիսի 26-ին հանդիպել է Միջազգային քրեական դատարանի գլխավոր քարտուղար Օսվալդո Ջավալա Գիլերի հետ:
Ինչպես «Արմենպրես»-ին տեղեկացրին ՀՀ արտաքին գործերի նախարարությունից, հանդիպմանն անդրադարձ է կատարվել Միջազգային քրեական դատարանին Հայաստանի Հանրապետության անդամակցությունից ի վեր դատարանի և ՀՀ միջև առկա փոխգործակցությանը և հեռանկարներին:
ԱԳ նախարարի տեղակալը վերահաստատել է Հայաստանի հանձնառությունը ներգրավվել միջազգային համագործակցության ջանքերում՝ ուղղված միջազգային իրավական նորմերի պահպանմանն ու իրավունքի գերակայության ապահովմանը։
Անդրադարձ է կատարվել նաև Հռոմի Կանոնադրության դրույթներին համապատասխան ազգային օրենսդրության կատարելագործման ուղղությամբ տարվող աշխատանքներին: