Հաստատվել են բուհերի ընդունելության միասնական քննությունների երկրորդ փուլի ժամանակացույցն ու քննական կենտրոնների ցանկը

Գնահատման և թեստավորման կենտրոնի տնօրենի հրամանով հաստատվել են բուհերի ընդունելության՝ 2025 թվականի միասնական քննությունների երկրորդ փուլի քննական օրերը:

Ինչպես «Արմենպրես»-ը տեղեկանում է Կրթության, գիտության, մշակույթի և սպորտի նախարարության տարածած հաղորդագրությունից, միասնական քննությունների համար, ըստ առարկաների, սահմանված են հետևյալ օրերը.

10.06.2025 թ. - «Քիմիա», «Ռուսաց լեզու»

13.06.2025 թ. - «Օտար լեզուներ» (անգլերեն, ֆրանսերեն, գերմաներեն, իսպաներեն)

17.06.2025 թ. - «Մաթեմատիկա»

20.06.2025 թ. - «Հայոց լեզու և հայ գրականություն»

24.06.2025 թ. - «Կենսաբանություն», «Աշխարհագրություն»

27.06.2025 թ. - «Հայոց պատմություն», «Ֆիզիկա»

Հաստատվել է նաև բուհերի ընդունելության միասնական քննությունների 2-րդ փուլի 46 քննական կենտրոնների ցանկը՝ 17-ը՝ Երևանում և 29-ը՝ մարզերում։

Քննական կենտրոնների ցանկն՝ այստեղ: