1 րոպեի ընթերցում
Միավորված ազգերի կազմակերպության (ՄԱԿ) գլխավոր քարտուղար Անտոնիո Գուտերեշը հայտարարել է, որ կազմակերպությունը պատրաստ է ցանկացած տեսակի աջակցություն ցուցաբերել ուկրաինական կարգավորման կողմերին։
«Արմենպրեսի»-ի հաղորդմամբ՝ այս մասին հայտնում է «ՌԻԱ Նովոստի»-ն՝ հղում կատարելով ՄԱԿ-ի գլխավոր քարտուղարի՝ Բեռլինում կայացած մամուլի ասուլիսում արված հայտարարությանը։
«ՄԱԿ-ը պատրաստ է կողմերին ցանկացած աջակցություն ցուցաբերել: Եթե կողմերը համաձայնվեն, նրանք դրա մասին կխնդրեն ՄԱԿ-ին: Բայց, ակնհայտ է, որ դա մեզանից կախված չէ», -ասել է Գուտերեշը։
Նա նաև նշել է, որ ՄԱԿ-ի Անվտանգության խորհրդի կողմից Ուկրաինայում հրադադարի և զինադադարի հաստատումը «առաջընթացի կարևոր քայլ կլիներ»։
«Սակայն ես գիտակցում եմ, որ սա դյուրին գործ չի լինելու», - հավելել է Անտոնիո Գուտերեշը։