Ռուսաստանը Հայոց ցեղասպանությունը միշտ ընկալել է որպես իր սեփական վիշտը. Մարիա Զախարովա

2 րոպեի ընթերցում

Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան հայտարարել է, որ Ռուսաստանը միշտ Հայոց ցեղասպանությունն ընկալել է որպես սեփական վիշտ։

Մոսկվայում «Արմենպրես»-ի թղթակցի փոխանցմամբ՝ Մարիա Զախարովան այդ մասին ասել է ամենշաբաթյա ճեպազրույցի ընթացքում։ 

«Ապրիլի 24֊ին լրանում է 20-րդ դարի պատմական ամենամեծ ողբերգության` Հայոց ցեղասպանության 110-րդ տարելիցը, և հայոց եղբայրական ազգի վիշտը Ռուսաստանի Դաշնությունը միշտ ընդունել է որպես իր սեփականը։  Ռուսաստանի բազմաթիվ քաղաքներում, այդ թվում` Մոսկվայում, անցկացվում են բազմաթիվ հիշատակի միջոցառումներ, որոնց մասնակցում են ոչ միայն հայկական համայնքի, այլեւ տարբեր ազգերի ներկայացուցիչներ, որոնց միավորում է ցանկությունը՝ պահպանելու անցյալի ողբերգական իրադարձությունների հիշողությունը, որը չի կարելի մոռացության մատնել։ 1915 թվականին ռուսական դիվանագիտության ղեկավարի` Սերգեյ Դմիտրիի Սազոնովի նախաձեռնությամբ միջազգային հանրության դերակատարները կատարվածը որակել են որպես մարդկության դեմ հանցագործություն։ Պատմական վկայությունների համաձայն՝ 1915թ. Ռուսական կայսերական կովկասյան բանակը Նիկոլայ II-ի հրամանով բացել է  ռուս-թուրքական սահմանը և փրկել է ավելի քան 350 հազար հայերի»,- նշել է Զախարովան: 

Նա հավելել է, որ Ռուսաստանն առաջիններից մեկն է պաշտոնապես ճանաչել Հայոց ցեղասպանությունը։ Նա նաև հիշեցրել է, որ 2015թ.-ին ՌԴ նախագահ Վլադիմիր Պուտինը Հայաստան կատարած այցի ընթացքում մասնակցել է Օսմանյան կայսրությունում իրականացված Հայոց ցեղասպանության զոհերի հիշատակի ոգեկոչման արարողությանը։  

Ռուսաստանի Պետական Դուման 1995 թվականի ապրիլի 14-ին Հայոց ցեղասպանությունը ճանաչող որոշում է ընդունել։ 

Հայերեն العربية English Español Русский

«Երևանի ավտոբուս»-ում մեկնարկել է «Հայգեր» մակնիշի ավտոբուսների նվիրատվության գործընթաց

Հայաստանն ընդունել է Գազայից երեք պաղեստինցի երեխաների` խիստ անհրաժեշտ մասնագիտացված բժշկական օգնություն ցուցաբերելու նպատակով

ԱԳՄԱ նախարարի տեղակալը մասնակցել է Ասիա-խաղաղօվկիանոսյան տարածաշրջանի տրանսպորտի հարցերով նախարարական հինգերորդ համաժողովի եզրափակիչ նիստին

Շինաշխատանքներով պայմանավորված նոյեմբերի 21-ից 24-ը կփակվի Վաղարշապատ-Մասիս ճանապարհի մի հատվածը

Մեկնարկել են «Անվտանգ տարի փրկարարի հետ» իրազեկման և ուսուցման դասընթացները․ մասնակցել է ավելի քան 900 քաղաքացի

Քաղաքացիները կկարողանան եկամտային հարկից հատկացումներ կատարել ՀԿ-ներին, լրատվամիջոցներին և կուսակցություններին

Գավառ համայնքում հայտնի են «Վոլեյբոլի դպրոցականների լիգա» մրցաշարի համայնքային փուլի հաղթող թիմերը

Փաշինյանը ցավակցություն է հայտնել Թբիլիսիում պայթյունի հետևանքով զոհվածների հարազատներին

Շիրակի քրեական ոստիկանները թմրանյութի իրացումների շղթա են բացահայտել

Հայաստանում անցկացվել է ԵԱՏՄ անդամ պետությունների մաքսային ծառայությունների միավորված կոլեգիայի 56-րդ նիստը