Հայաստանում Լիտվայի դեսպանը հարգանքի տուրք է մատուցել Հայոց ցեղասպանության զոհերի հիշատակին
1 րոպեի ընթերցում
Հայաստանի Հանրապետությունում Լիտվայի դեսպան Անդրիուս Պուլոկասն այցելել է Ծիծեռնակաբերդ՝ հարգանքի տուրք մատուցելու Հայոց ցեղասպանության զոհերի հիշատակին։
«Արմենպրես»-ի հաղորդմամբ՝ այս մասին նշված է ՀՀ-ում Լիտվայի դեսպանության տարածած հաղորդագրության մեջ։
«Ապրիլի 24-ին լրանում է Հայոց ցեղասպանության 110-րդ տարելիցը։ Այս օրը Լիտվայի դեսպան Անդրիուս Պուլոկասը Ծիծեռնակաբերդում հարգանքի տուրք մատուցեց Հայոց ցեղասպանության զոհերի հիշատակին։
Հարգելով զոհերին՝ մենք հավատարիմ ենք մնում նման ոճրագործությունների կրկնությունը կանխելուն»,-նշված է դեսպանության տարածած հաղորդագրության մեջ: