1 րոպեի ընթերցում
Հայաստանի հունահռոմեական ոճի ըմբշամարտի հավաքականի անդամ, օլիմպիական, աշխարհի և Եվրոպայի չեմպիոն Արթուր Ալեքսանյանը դուրս եկավ Եվրոպայի առաջնության կիսաեզրափակիչ:
«Արմենպրես»-ի հաղորդմամաբ` Սլովակիայի մայրաքաղաք Բրատիսլավայում ընթացող հունահոռմեական ոճի ըմբշամարտի Եվրոպայի առաջնության 97 կգ քաշային կարգի քառորդ եզրափակիչում Արթուր Ալեքսանյանը մրցեց Իտալիան ներկայացնող Նիկոլոզ Կախելաշվիլիի հետ և առավելության հասավ 5:2 հաշվով՝ դուրս գալով ԵԱ-ի կիսաեզրափակիչ:
67 կգ քաշային կարգի քառորդ եզրափակիչում Սլավիկ Գալստյանը մրցեց թուրք Մուրատ Ֆիրատի հետ ու զիջեց նրան: Իրենց քաշային կարգի գոտեմարտերում պարտություն են կրել նաև Շանթ Խաչատրյանը և Սամվել Գրիգորյանը:
Ավելի ուշ Եվրոպայի չեմպիոնի կոչման համար կպայքարեն Կարեն Ասլանյանն ու Մալխաս Ամոյանը: