2 րոպեի ընթերցում
Ռուսաստանի ռազմածովային նավատորմի և Հնդկաստանի ռազմածովային ուժերի նավերն առաջադրանքներ են կատարել Բենգալյան ծոցի ջրատարածքում՝ «Ինդրա Նևի- 2025» համատեղ զորավարժությունների շրջանակներում: «Արմենպրես»-ի փոխանցմամբ՝ այս մասին հաղորդում է «Ինտերֆաքս» գործակալությունը՝ վկայակոչելով Խաղաղօվկիանոսյան նավատորմի մամուլի ծառայությունը:
«Երեք օր շարունակ երկու բարեկամ երկրների նավաստիները կատարելագործել են մարտավարական մանևրումները համատեղ զորաշարքերի կազմում, կատարելագործել են անօդաչու թռչող սարքերի և պայմանական հակառակորդի առանց անձնակազմի կատերների դեմ պայքարի գործնական հմտությունները, հրետանային հրաձգություն են իրականացրել ծովային և օդային թիրախների ուղղությամբ», - ասվում է մամուլի ծառայության հաղորդագրության մեջ։
Ռուսական կողմից զորավարժություններին մասնակցել են «Ռեզկի», «ՌԴ հերոս Ալդար Ցիդենժապով» հետախուզական ռազմանավերը և Խաղաղօվկիանոսյան նավատորմի «Պեչենգա» ծովային տանկերը։ Հնդկաստանը ներկայացրել են «Ռանա» կործանիչ էսկադրային ականակիրը և «Կուրտար» հետախուզական ռազմանավը։
Ըստ հաղորդագրության՝ զորավարժությունների տարբեր փուլերում գործի են դրվել մասնակից երկրների ծովային օդուժի նավերի տախտակամածային ուղղաթիռները։ Ռուսական Ka-27M ուղղաթիռը վայրէջք է կատարել հնդկական «Ռանա» էսկադրային ականակրի վրա, իսկ հնդկական Chetak ուղղաթիռի անձնակազմը վայրէջք է կատարել ռուսական հետախուզական ռազմանավի տախտակամածին։
Ներկայում երկու երկրների նավերը վերադարձել են հնդկական Չենայ նավահանգիստ՝ զորավարժությունների արդյունքներն ամփոփելու և դրա փակման պաշտոնական արարողությունն անցկացնելու համար։