368.59
ԱՄՆ և ՌԴ նախագահները հեռախոսազրույցի ընթացքում քննարկել են Ուկրաինայում տիրող իրավիճակը
1 րոպեի ընթերցում
ԱՄՆ նախագահ Դոնալդ Թրամփը հեռախոսազրույց է ունեցել Ռուսաստանի նախագահ Վլադիմիր Պուտինի հետ՝ քննարկելով Ուկրաինայում տիրող իրավիճակը։ «Արմենպրես»-ի հաղորդմամբ՝ նա այս մասին հայտնել է Truth Social միկրոբլոգում։
Թրամփը գրել է, որ բանակցություններն եղել են «շատ լավ և արդյունավետ» և «շատ մեծ հնարավորություն կա, որ այս սարսափելի, արյունալի պատերազմը վերջապես ավարտվի»։
Թրամփի խոսքով՝ այս պահին հազարավոր ուկրաինացի զինվորներ ամբողջովին շրջափակված են ռուսական ուժերի կողմից և գտնվում են ծանր ու խոցելի վիճակում։
«Ես վճռականորեն դիմել եմ նախագահ Պուտինին՝ պահպանելու նրանց կյանքը։ Դա կարող է սարսափելի կոտորած լինել, ինչպիսին չի եղել Երկրորդ համաշխարհային պատերազմից ի վեր։ Աստված օրհնի նրանց բոլորին»,- գրել է ԱՄՆ նախագահը։
Կարդացեք հոդվածը` Русский
Բաժանորդագրվեք մեր ալիքին Telegram-ում