Հայաստանում առաջիկա օրերին սպասվում է անձրև

Հայաստանի Հանրապետության «Հիդրոօդերևութաբանության և մոնիթորինգի կենտրոն»-ը ներկայացրել է առաջիկա օրերի եղանակային կանխատեսումը: 

«Արմենպրես»-ի փոխանցմամբ՝ կենտրոնի ներկայացրած տվյալների համաձայն՝ Երևանում մարտի 14-ի ցերեկը, 15-17-ին, 18-ի գիշերը սպասվում է առանց տեղումների եղանակ։ Մարտի 18-ի ուշ երեկոյան, 19-ին սպասվում է անձրև։

Մարզերում մարտի 14-ի ցերեկը, 15-17-ին, 18-ի գիշերը սպասվում է առանց տեղումների եղանակ։ Մարտի 18-ի ուշ երեկոյան, 19-ին առանձին շրջաններում սպասվում են տեղումներ։

Քամին հարավարևելյան՝ 2-5մ/վ: Մարտի 17-ին և 19-ին առանձին հատվածներում սպասվում է քամու ուժգնացում՝ 15-19 մ/վ, 18-ին՝ 18-23մ/վ արագությամբ։

Օդի ջերմաստիճանը մարտի 14-ի ցերեկը, 15-17-ին աստիճանաբար կբարձրանա ևս 4-5 աստիճանով։