Զելենսկին հայտարարել է, որ Կիևը չի ճանաչի տարածքների կորուստը բանակցությունների վերջնարդյունքում
2 րոպեի ընթերցում
Ուկրաինան չի ճանաչի տարածքների կորուստը Ռուսաստանի հետ հակամարտության կարգավորման հնարավոր բանակցությունների վերջնարդյունքում։
«Արմենպրես»-ի հաղորդմամբ՝ ինչպես փոխանցում է ՏԱՍՍ-ը, այս մասին հայտարարել է Ուկրաինայի նախագահ Վլադիմիր Զելենսկին՝ պատասխանելով հարցին, թե արդյոք Կիևն ունի կարմիր գծեր հակամարտության կարգավորման բանակցություններում։
«Մենք ոչ մի օկուպացված տարածք չենք ճանաչի որպես Ռուսաստանի Դաշնություն, սա փաստ է»,- ասել է նա։
Զելենսկին հավելել է, որ ինքը նույնպես չի խախտի Ուկրաինայի սահմանադրությունը և չի սահմանափակի նրա ինքնիշխանությունը, սակայն չի պարզաբանել, թե ինչ նկատի ունի այս խոսքով։
Ավելի վաղ՝ ԱՄՆ պետքարտուղար Մարկո Ռուբիոն հայտնել էր, որ մարտի 11-ին Սաուդյան Արաբիայում կայացած բանակցություններում ԱՄՆ-ը բարձրացրել է Ուկրաինայի տարածքային զիջումների հարցը։
Զելենսկու գրասենյակի ղեկավարը բանակցություններից անմիջապես հետո չի հաստատել, որ այդ թեման քննարկվել է։
Անձամբ Զելենսկին ևս չի հստակեցրել, թե արդյոք այդ թեման քննարկվել է Սաուդյան Արաբիայի բանակցությունների ժամանակ։
«Կային շատ տարբեր մանրամասներ, որոնք ես չէի ցանկանա քննարկել, քանի որ դրանք վերջնական հայտարարության մեջ չկան»,- նշել է նա։