1 րոպեի ընթերցում
ԱՄՆ նախագահ Դոնալդ Թրամփի հետ Ֆլորիդայի նահանգի Փալմ Բիչում գտնվող Մար-ա-Լագոյի կալվածքում անհատական ճաշը կարող է արժենալ 5 միլիոն դոլար։ «Արմենպրես»-ի փոխանցմամբ՝ այս մասին հայտնում է WIRED ամսագիրը։
Նշված գումարի դիմաց գործարարները կարող են հնարավորություն ստանալ անձամբ ճաշել ամերիկացի առաջնորդի հետ։
Հատկանշական է, որ նախորդ շաբաթ Մար-ա-Լագոյում կազմակերպված խմբային ընթրիքին մասնակցած հյուրերից յուրաքանչյուրը 1 միլիոն դոլար է վճարել տեղ ամրագրելու համար:
Մարտի 1-ի երեկոյան ժամը 19:00-ին տեղի ունեցած միջոցառման հրավերի մեջ նշվել է․ «Դուք հրավիրված եք մոմերի լույսի ներքո ընթրիքի՝ հատուկ հյուր նախագահ Դոնալդ Ջ. Թրամփի մասնակցությամբ.... Տեղերը խիստ սահմանափակ են։ 1 միլիոն դոլար մեկ անձի համար»:
Ավելի վաղ The New York Times-ը հայտնել էր, որ Թրամփի երդմնակալության հանձնաժողովը հունվարին վաճառել է նախագահի երդմնակալության արարողության բոլոր VIP տոմսերը՝ հավաքելով ընդհանուր առմամբ 170 միլիոն դոլար։