Մակրոնը հայտարարել է, որ Թրամփին հորդորել է փոխել դիրքորոշումն Ուկրաինայում հրադադարի հարցում

2 րոպեի ընթերցում

Ֆրանսիայի նախագահ Էմանուել Մակրոնը Վաշինգտոն այցի ընթացքում ԱՄՆ նախագահ Դոնալդ Թրամփին առաջարկել է վերանայել դիրքորոշումն Ուկրաինայում անհապաղ հրադադարի հարցում և այն տարածել միայն օդում և ծովում իրականացվող գործողությունների վրա։ «Արմենպրես»-ի փոխանցմամբ՝ այս մասին նա ասել է իտալական Foglio թերթին տված հարցազրույցում: 

«Այսինքն՝ չձգտել անհապաղ հրադադարի, այլ ավելի շուտ՝ օդի, ծովի և էներգետիկ ենթակառուցվածքի մակարդակով հրադադարի», - հայտարարել է Մակրոնը՝ պնդելով, որ նման ռեժիմն ավելի հեշտ է վերահսկել։

Մակրոնը կարծում է, որ Ուկրաինայում նման տարբերակով հրադադարը ժամանակ կտա Կիևի անվտանգության երաշխիքները քննարկելու համար։ 

«Դրանք նշանակում են ոչ միայն աջակցություն, որը մենք ցուցաբերում ենք ուկրաինական բանակին, այլ նաև այն, թե ինչ ենք մենք՝ եվրոպացիներս, պատրաստ անել ուկրաինական հողի վրա», - հայտարարել է Ֆրանսիայի ղեկավարը։

Նրա պնդմամբ՝ ամուր երաշխիքների բացակայությունը սպառնալիք կդառնա ինչպես Ուկրաինայի, այնպես էլ եվրոպացիների անվտանգության համար։ 

«Սա եղել է մեր մտահոգությունն ի սկզբանե. մենք խաղաղություն ենք ուզում, բայց ոչ ամեն գնով։ Մենք խաղաղություն չենք ուզում առանց ամուր երաշխիքների», - հայտարարել է Ֆրանսիայի նախագահը։

Մակրոնը Le Figaro-ին տված հարցազրույցում ևս հայտնել էր, որ Ֆրանսիան և Մեծ Բրիտանիան առաջարկում են Ուկրաինայում սահմանել մարտական գործողությունների մորատորիում մեկ ամսով։

Ռուսաստան

Փարիզը և Լոնդոնն առաջարկել են Ուկրաինայում մեկամսյա մորատորիում հաստատել. Մակրոն

ՌԴ նախագահ Վլադիմիր Պուտինը հունվարին հայտարարել էր, որ ռուս-ուկրաինական հակամարտության կարգավորման նպատակը պետք է լինի ոչ թե կարճաժամկետ հրադադարը և ուժերի վերախմբավորման ու վերազինման համար շունչ քաշելու հնարավորությունը՝ հետագայում հակամարտությունը շարունակելու նպատակով, այլ երկարաժամկետ խաղաղությունը։

Հայերեն Русский

Վահան Կոստանյանը Ալբանիայի գործընկերոջ հետ քննարկել է երկկողմ օրակարգի ընդլայնման հեռանկարները

«Երևանի ավտոբուս»-ում մեկնարկել է «Հայգեր» մակնիշի ավտոբուսների նվիրատվության գործընթաց

Հայաստանն ընդունել է Գազայից երեք պաղեստինցի երեխաների` խիստ անհրաժեշտ մասնագիտացված բժշկական օգնություն ցուցաբերելու նպատակով

ԱԳՄԱ նախարարի տեղակալը մասնակցել է Ասիա-խաղաղօվկիանոսյան տարածաշրջանի տրանսպորտի հարցերով նախարարական հինգերորդ համաժողովի եզրափակիչ նիստին

Շինաշխատանքներով պայմանավորված նոյեմբերի 21-ից 24-ը կփակվի Վաղարշապատ-Մասիս ճանապարհի մի հատվածը

Մեկնարկել են «Անվտանգ տարի փրկարարի հետ» իրազեկման և ուսուցման դասընթացները․ մասնակցել է ավելի քան 900 քաղաքացի

Քաղաքացիները կկարողանան եկամտային հարկից հատկացումներ կատարել ՀԿ-ներին, լրատվամիջոցներին և կուսակցություններին

Գավառ համայնքում հայտնի են «Վոլեյբոլի դպրոցականների լիգա» մրցաշարի համայնքային փուլի հաղթող թիմերը

Փաշինյանը ցավակցություն է հայտնել Թբիլիսիում պայթյունի հետևանքով զոհվածների հարազատներին

Շիրակի քրեական ոստիկանները թմրանյութի իրացումների շղթա են բացահայտել