Սթարմերն աջակցել է Զելենսկիի որոշմանը հակամարտության ժամանակ ընտրություններ չանցկացնելու մասին
1 րոպեի ընթերցում
epa07430622 Shadow Brexit Secretary Keir Starmer walks in London, Britain, 12 March 2019. British parliament will vote on PM May's amended Brexit deal later in the day. Theresa May told MPs to back her 'improved' Brexit deal she has agreed with the EU over the Northern Ireland 'backstop'. EPA/FACUNDO ARRIZABALAGA
Մեծ Բրիտանիայի վարչապետ Քիր Սթարմերն Ուկրաինայի նախագահ Վոլոդիմիր Զելենսկիի հետ ունեցած հեռախոսազրույցում ասել է, որ խելամիտ է համարում զինված հակամարտության պայմաններում նախագահական ընտրություններ անցկացնելուց նրա հրաժարվելը։ «Արմենպրես»-ի փոխանցմամբ՝ այս մասին հաղորդագրություն է տարածել Մեծ Բրիտանիայի վարչապետի գրասենյակը։
«Վարչապետն իր աջակցությունն է հայտնել նախագահ Զելենսկիին՝ որպես ժողովրդավարական ճանապարհով ընտրված Ուկրաինայի ղեկավարի, և ասել, որ միանգամայն խելամիտ է հետաձգել ընտրությունները հակամարտության ժամանակ», - ասվում է հաղորդագրության մեջ։
Որպես օրինակ նա նշել է, որ նույն կերպ է վարվել նաև Մեծ Բրիտանիան Երկրորդ համաշխարհային պատերազմի ժամանակ։
Գրասենյակը նշել է, որ Մեծ Բրիտանիայի վարչապետն ընդգծել է «բոլոր կողմերի համատեղ աշխատանքի անհրաժեշտությունը»։ Նա նաև աջակցություն է հայտնել «Ուկրաինայում ԱՄՆ-ի ղեկավարությամբ կայուն խաղաղություն հաստատելուն ուղղված ջանքերին»։
Ավելի վաղ ԱՄՆ նախագահ Դոնալդ Թրամփն Ուկրաինայում ընտրություններ անցկացնելու կոչ էր արել։