Հայաստանի դպրոցների շուրջ կեսն ապահովվել է հագեցած լաբորատորիաներով
1 րոպեի ընթերցում
ԵՐԵՎԱՆ, 8 ՀՈՒՆՎԱՐԻ, ԱՐՄԵՆՊՐԵՍ։ Հանրապետության դպրոցների շուրջ կեսն արդեն ունի հագեցած լաբորատորիաներ, ինչը շատ կարևոր է բնագիտական ուղղվածության գիտելիքի մակարդակի որակի բարձրացման համար։
«Արմենպրես»-ի հաղորդմամբ՝այս մասին ասուլիսի ժամանակ ասաց ՀՀ կրթության, գիտության, մշակույթի և սպորտի նախարար Ժաննա Անդրեասյանը՝ նշելով, որ դպրոցական գիտելիքի կիրառականության հետ կապված խնդիրը նախատեսվում է լուծել լաբորատորիաների ներդրման ծրագրով։
Նրա խոսքով՝ ընթացիկ ուսումնական տարում Հայաստանի ավելի քան 540 դպրոցներում բնագիտական և տեղեկատվական տեխնոլոգիաների լաբորատորիաներ են բացվել։