Մակրոնը շտապ նոր վարչապետ է փնտրում՝ խորհրդարանի կողմից կառավարությանն անվստահություն հայտնելուց հետո

2 րոպեի ընթերցում

ԵՐԵՎԱՆ, 5 ԴԵԿՏԵՄԲԵՐԻ, ԱՐՄԵՆՊՐԵՍ։ Ֆրանսիայի նախագահ Էմանուել Մակրոնը հանդիպումներ է անցկացրել համախոհների և բարձրաստիճան քաղաքական գործիչների հետ՝ փորձելով արագ նոր վարչապետ նշանակել խորհրդարանում վարչապետ Միշել Բառնիեի կառավարությանն անվստահություն հայտնելուց հետո։ «Արմենպրես»-ի փոխանցմամբ՝ այս մասին հաղորդում է Reuters գործակալությունը։ 

Նշվում է, որ ըստ ֆրանսիական լրատվամիջոցների՝ Ֆրանսուա Բայրուն, որի անունը հաճախ են նշում ֆրանսիական լրատվամիջոցները՝ որպես Բառնիեի հավանական իրավահաջորդ, պետք է ճաշեր Մակրոնի հետ։ Բայրուն կենտրոնամետ քաղաքական գործիչ է և Մակրոնի մտերիմ համախոհներից է։

Լրատվամիջոցները շրջանառում են նաև պաշտպանության նախարար Սեբաստիեն Լեկոռնյուի անունը, սակայն նրա և Մակրոնի հանդիպման մասին որևէ լուր չի եղել։

Reuters-ի երեք աղբյուրները հայտնել են, որ Մակրոնը մտադիր է վարչապետին փոխարինող գտնել շատ արագ, նախքան դեկտեմբերի 7-ին Փարիզի Աստվածամոր տաճարի վերաբացումը, որին ներկա է գտնվելու նաև ԱՄՆ ընտրված նախագահ Դոնալդ Թրամփը։

Դեկտեմբերի 5-ի երեկոյան Մակրոնը հեռուստաուղերձով պետք է դիմի ֆրանսիացիներին, բացի այդ, ըստ ֆրանսիական ԶԼՄ-ների, հանդիպելու է Սենատի ղեկավարի հետ։

Միշել Բառնիեն վարչապետի պաշտոնը ստանձնել էր երեք ամիս առաջ։ Ֆրանսիայի Ազգային ժողովը դեկտեմբերի 4-ի երեկոյան անվստահության քվե էր հայտնել վարչապետին և կառավարության անդամներին։ Ազգային ժողովում նման քվեարկության առիթ էր դարձել այն, որ վարչապետ Միշել Բառնիեն խորհրդարանում անցկացրել էր 2025 թ. սոցիալական ապահովագրության մասին բյուջեն՝ կիրառելով Սահմանադրության հոդվածներից մեկը և շրջանցելով պատգամավորների քվեարկությունը։ 

Աշխարհ

Ֆրանսիայի խորհրդարանն անվստահություն է հայտնել կառավարությանը

Հայերեն English Français

Շինաշխատանքներով պայմանավորված նոյեմբերի 21-ից 24-ը կփակվի Վաղարշապատ-Մասիս ճանապարհի մի հատվածը

Մեկնարկել են «Անվտանգ տարի փրկարարի հետ» իրազեկման և ուսուցման դասընթացները․ մասնակցել է ավելի քան 900 քաղաքացի

Քաղաքացիները կկարողանան եկամտային հարկից հատկացումներ կատարել ՀԿ-ներին, լրատվամիջոցներին և կուսակցություններին

Գավառ համայնքում հայտնի են «Վոլեյբոլի դպրոցականների լիգա» մրցաշարի համայնքային փուլի հաղթող թիմերը

Փաշինյանը ցավակցություն է հայտնել Թբիլիսիում պայթյունի հետևանքով զոհվածների հարազատներին

Շիրակի քրեական ոստիկանները թմրանյութի իրացումների շղթա են բացահայտել

Հայաստանում անցկացվել է ԵԱՏՄ անդամ պետությունների մաքսային ծառայությունների միավորված կոլեգիայի 56-րդ նիստը

ԵԽ ներկայացուցիչների հետ քննարկվել են մարզական մրցումների մեքենայությունների դեմ պայքարի ազգային հարթակի ստեղծման հարցերը

Հրազդանում կստեղծվի տեխնոլոգիական քոլեջ. առաջին ընդունելությունը նախատեսվում է 2027 թվականին

Թվային լուծումներ՝ մեկ էկոհամակարգում․ IDBank-ը՝ DigiTec 2026-ում