Սի Ծինփինը կայցելի Պերու և Բրազիլիա՝ Ասիախաղաղօվկիանոսյան երկրների և G20-ի գագաթնաժողովներին
1 րոպեի ընթերցում
ԵՐԵՎԱՆ, 8 ՆՈՅԵՄԲԵՐԻ, ԱՐՄԵՆՊՐԵՍ: Չինաստանի նախագահ Սի Ծինփինը նոյեմբերի 13-17-ը պետական այցով կմեկնի Պերուի Հանրապետություն։ «Արմենպրես»-ի փոխանցմամբ՝ այս մասին հաղորդագրություն է տարածել Չինաստանի արտաքին գործերի նախարարությունը։
Սի Ծինփինը Լիմա կայցելի Պերուի նախագահ Դինա Բոլուարտեի հրավերով։ Նա նաև կմասնակցի Ասիա-խաղաղօվկիանոսյան տնտեսական համագործակցության ղեկավարների 31-րդ համաժողովին։
Այնուհետև նոյեմբերի 17-21-ը Չինաստանի ղեկավարը պետական այց կկատարի Բրազիլիա՝ այդ երկրի նախագահ Լուլա դա Սիլվայի հրավերով։ Չինաստանի նախագահը կմասնակցի նաև Ռիո դե Ժանեյրոյում «Մեծ քսանյակի» (G20) երկրների 19-րդ գագաթնաժողովին։