1 րոպեի ընթերցում
ԵՐԵՎԱՆ, 5 ՆՈՅԵՄԲԵՐԻ, ԱՐՄԵՆՊՐԵՍ։ Երևանի քաղաքապետ Տիգրան Ավինյանը խոսեց տրանսպորտի հոսքերի կառավարման ուղղությամբ տարվող աշխատանքների մասին։ «Արմենպրես»-ի հաղորդմամբ՝ ԱԺ մշտական հանձնաժողովների համատեղ նիստում 2025 թվականի պետական բյուջեի մասին օրենքի նախագծի նախնական քննարկումների ժամանակ Ավինյանը նշեց, որ Երևանի մի շարք փողոցներ արդեն դարձել են միակողմանի, իսկ ավտոբուսային գծերի թիվը շուտով կավելանա։
Նրա խոսքով՝ այդ ավտոբուսային առանձնացված գծերը նախատեսված են, որ կապեն հիմնական վարչական շրջանները՝ ապահովելով հարմարավետ և արագ տեղաշարժ։
«Ապագայում ավտոբուսային գծերը լինելու են հատուկ կահավորված և բետոնացված հատվածներ, որտեղ այլ տրանսպորտային միջոցների մուտքն ավելի կսահմանափակվի»,- ասաց Ավինյանը։