Գերմանիայի կանցլերն ու Թուրքիայի նախագահը քննարկում են ռուս-ուկրաինական հակամարտությունն ու Մերձավոր Արևելքում տիրող իրավիճակը
1 րոպեի ընթերցում
ԵՐԵՎԱՆ, 19 ՀՈԿՏԵՄԲԵՐԻ, ԱՐՄԵՆՊՐԵՍ։ Ստամբուլում ընթանում է Գերմանիայի կանցլեր Օլաֆ Շոլցի և Թուրքիայի նախագահ Ռեջեփ Թայիփ Էրդողանի հանդիպումը։ Ինչպես «Արմենպրես»-ը տեղեկացնում է գերմանական լրատվամիջոցների հրապարակումներից, հանդիպմանը կքննարկվեն ռուս-ուկրաինական հակամարտությունը, Մերձավոր Արևելքում տիրող իրավիճակը, ինչպես նաև միգրացիայի թեման:
Ակնկալվում է, որ կողմերը կքննարկեն նաև երկկողմ և տնտեսական հարցեր: Բանակցություններից հետո նախատեսվում է համատեղ մամուլի ասուլիս։